عَ الطبلة يا مسحراتي بقلم عبدالناصر أحمد

أخبار نقادة |

عَ الطبلة يا مسحراتي

من فن الواو

بقلم / عبدالناصر أحمد

أول كـــــــــــلامي حاسمِّي	لُهْ الحمد .. رب البرايا
فِ وداني سامع وصَي امي	يا صلاة .. يا منك بَرايا
مَزَّعت جلابيتي شَراطين *	سدّيت جُحورِك .. بيدِّي
برضه اللي واخد شِراطين؟	زي اللي باع... أو بيدِّي ؟
وتراب بلدنا .. نَخَلناه	ما لقينا فيـــه  النَكايل
جَمَل المَحامِل نِخِلناه *	نرمِي .. عليك .. التَقايل
عيب يبقي عندي قناتين	وجنيهي ناصِب  صوانُه
لا فْ منيا ولّا فْ قنا تين	والدوم دا هَمّل  سوانُه *
نَبَقها هَيَّف ما في فْحال *	ولا ميَّه لجلن  ما يِروَي
وبلدنا فيهــا اتوقف حال	لا بْياعة عاد  ولّا شَروَة
فِ الحظ حاكتب واقول واو	لا نقاصة فيه أو زوايدة
انا سِبت فقرَك في بشلاو *	بَحَّر وراي عَ الزوايدة *
وفْ كل ظالم تَحَــــــــسبَنْت	وآهو كل واحد .. ونِيتُه
كان حالها ماشي وحِسبِنت *	هَردَمْت كل الْ .. بَنِيتُه
مراكــــــــــــبنا رسيت علي البر	بتْواتِي ريح قُوم يِحِلُّوا *
وان كان في طعم الكاسات مر	حياجيها يوم راح يحَلُّوا
هوامير وعايشة في فِيلَّات	وفلوس أساتِك أساتِك
طب كيف تِحِس التريلَّات	بوجود وِزَنْ التكاتك ؟
يا مصر عاشقِك طبق فول	من نيلنا مَسقِي حِراتي
ربَّعت فاتِـح ...     ومقفول	عَ الطبلة .. يا مسحّراتي *