أخبار نقادة | واو ابن عنبوص ( شحاتة يشبه شِحِتُّو )

                    من واو ابن عنبوص ( شحاتة يشبه شِحِتُّو )

                                                         عبدالناصر احمد

انا حابـدِي قولـــــي بقـــرآن                       أتلـوه في ليلِي وضــُحـــايا

يا وطــنّا اصـحي الأوان آن                       دا يوماتي اعِد فْ ضـحايا *

أنـا جـرحي غـايِــر بَـــتَردَم *                    لا اتـداوَي ولا لـيه بَـتَـرنا *

ع الـماضي اوعــي لا تِردم                      او تــنسي تــاخد بـــتــارنا ؟

انــجــِدني يـــا رب لَاربــاب                      فــي عَــرَبنا امَلي ضئيلِي

علي ديني قـالــوا دا إِرهــاب                      إرهــاب دا يبقي إسرائيلي

حــقــِّك علــينــا يا بــغــــــداد                      ويـا رب تـرحـم سـامـحنا

شَـبـعـان خـلـيـجـك وبــغــداد *                    وعــراقنا عايش في محنة

لو جات منيّة وحضرمــوت *                    إيـه بـس اقولك يـا ربـــي ؟

لم عاد فيه إبْ وحضرموت                       وطـريق متعتر ورَب بِي

ذنـوبنا كـتـرت يــا ابو العـم                       لَكِــين فــي كَـرَمُه عِشِمنا

لـو شُـفـت نـاسنا حَـتــِتغـَـــم                       في حــمـاة وإدلـب وشمنا

ودروبـها صـارت مَطَــبَّات *                     وطــريق عِــدانا عَـــدَايِل *

مـــــوازيني ساعة ما طبات                      علي بختي صارت عدايل

وعـملتي عَمْيَة وما نَضراش                      وربــــطتي عينِك عصابة *

صـهيون رسمها وما نِدراش                      والــنيل في إيــد الـعصابة

دلالـهـا مـاصـخ فـاق الـحـــد *                   ولا حــد زارنا وجَـــدَرهـا *

مـيـن قَـدِّي عاشق؟مفيش حد !                    مين غـيـري يحمل جَدَرها 

مَـدِّيتي ايدِك  لطوب لارض                      وشـحـاتـه يـشـبـه شِـحِـتُّــو *

لا حَـميتي نـيلك ولا العرض                      مـن كــل بــارد شِــحِـتُّــوا

مِ الــقـمّـة نــزلــتـي لـلـقـــاع                      بـالـجُـبـن مـين الْ وَصَمنا ؟

دا مـا احـنـا خـالـد وقـعـقـاع *                    فـاكـراشـي يـاك معتصِمنا ؟

                                                          عبدالناصر احمد