قواعد تويتر الاربعون هاشتاج يسعى للتريند من جديد

كتب . فتحي حمدالله 

يتابع مستخدمو موقع التغريدات القصيرة " تويتر " التغريد على هاشتاج " #قواعد_تويتر_الاربعون والذي تم تدشينه منذ 2014 ثم تصدر فيما بعد واحتل المركز الأول فى قائمة التريند المصرى  للمواضيع غير مدفوعة الأجر في مارس الماضي . 

ويسعى المغردون إلى تحقيق التريند كما جاء في تغريدة:( عاوزينه تريند يمكن الجداد يتعلموا ويرحمونا #قواعد_تويتر_الاربعون ) 

ومن القواعد التي ذكرها المغردون (لا تعمل ريتويت لـمنشن فيه "دردشة و هههه " )

(ابعد عن الهري والمشي ورا الحريم عالفاضي والملان شاكلك هيكون وحش اوي وانت لمؤاخذه مربوط من رقابتك زي الحمير )

(خليك شيك .. متدخلش خاص لبنت .. متدخلش منشن انت اسمك مش فيه علشان تستظرف

متحاولش تركز مع حد خليك جنتل مع الكل )

(اكتب ما تشاء وتابع من تشاء حسابك وانت حر فيه ومن تعدى على حريتك البلوك يليق به )

(في ناس بتكتب حلو جدا وبتفهم اوى ومش بتتكلم في السياسه دوول أحسن حد ممكن تعمله فولو )

(ماتعرفش حد من قرايبك انك علي تويتر عشان هيحاصروك ومش هتعرف تتكلم من غير ماحد يتصل بمامتك يقوللها زعلان ليه علي تويتر )

(مش كل حاجة بنكتبها على تويتر بتعبر عن شخصيتنا ده مجرد فراغ وطاقة مكبوتة  )

(اه هتلاقي ناس بتكتب تويتات عميقه وكده ..لا دول حلاقين وصيع مش لاقيين حاجه يكتبوها ولا عارفين يناموا فبيكتبوا اي هجايص )

يذكر أن اسم الهاشتاج مستوحى من اسم رواية الروائية التركية "إليف شافاق " ،  قواعد العشق الأربعون والتي حققت قائمة الأعلى مبيعًا في السنوات الأخيرة  .