الغلاء لـ أبوبثينة

الغلاء للشاعر .أبوبثينة 

يااخواتي الدنيا ها تولع واحنا ها نمشي على العكاز

دي نارين والدنيا ما بينهم مش لاقيا لها طريق إنقاذ

النار الأولى الحر ونار الحر دي حاجة تغيظ

والنار الثانية الحزب وحكم الحزب حفيظ يا حفيظ

والالعن من دا غلو العيش والفول والزيت والجاز

يا اخواتي الدنيا ها تولع واحنا ها نمشي على العكاز

العيش دلوقتي اللقمة لو تمضغها تقرقش طوب

والقمح دا بيزيد سعره وتلتين محصول مصر حبوب

ورغيف العيش من صغره بيخش في ضفر الخباز

يا اخواتي الدنيا ها تولع واحنا ها نمشي على العكاز

= = =

يا سيادنا يا أهل الرحمة يا أهل العطف يا أهل الجود

العالم ريقها هاينشف يعني نبله بصبغة يود

الحاجة بتغلا شوية شوية لحد ما صارت نار

وبفضل الحكم الفاسد فيه ناس بتخالف الأسعار

والواحد لجل يدبق حق الطبخة يعوز مجهود

يا سيادنا يا أهل الرحمة يا أهل العطف يا أهل الجود

الجبنة الرومي الدرهم منها يساوي ألف ريال

ولابد تحوش شهر عشان ما تجيب في البيت فنجال

أما قميصك إن داب غطيه بالشال واعمل أستاذ

يا اخواتي الدنيا ها تولع واحنا ها نمشي على العكاز

دلوقتي بحمي ولادي برمل ومنين راح اكفي صابون

وبولع من نار قلبي دا الكبريت غالي وملعون

ونهار ما بنطبخ طبخة بركب فوق الحلة قزاز

يا اخواتي الدنيا ها تولع واحنا ها نمشي على العكاز

احلف لك لجل تصدق إني بقالي ست شهور

بقطع من قوتي وادبق لجل أجيب مترين دمور

دمور علشان يتحمل اعمل إيه أولادي قرود

يا سيادنا يا أهل الرحمة يا أهل العطف يا أهل الجود

والله وتربة جيبي ورحمة قرشي يا ناس في العيد

خليت أولادي تعيد بالهلاهيل دي بالهرابيد

والادهىان أنا ها يجيني الشهر الجاي كمان مولود

يا سيادنا يا أهل الرحمة يا أهل العطف يا أهل الجود

العالم ريقها ها ينشف يعني نبله بصبغة يود