أغاني بديع خيري

  بديع عمر خيري (1893 - 1966)، مسرحي مصري. ولد في حى المغربلين أحد أشهر الأحياء الشعبية بالقاهرة، ودخل الكتاب وحفظ القرأن وكتب الزجل في سن مبكر من عمره ثم أنهى دراسته وعين مدرسا، بدأ بكتابة المونولوج ثم كتابة المسرحيات فكانت أول مسرحياته هي "أما حتة ورطة" ثم تعرف على نجيب الريحاني عام 1918 وكان أول اشتراك لهما رواية "علي كيفك". كتب بديع خيرى أيضا أوبريتات منها أوبريت )العشرة الطيبة) .   وسافر بديع خيرى ونجيب الريحاني إلى الشام واكتشفا بديعة مصابني. ومن الأعمال السينمائية التي قام بديع خيرى بكتابة الحوار بها نذكر على سبيل المثال كل من:

العزيمة

انتصار الشباب

ورد الغرام

لهاليبو

والعديد من الأعمال الأخرى. وهو أيضا والد الفنان عادل خيري، وجد الفنانة عطية عادل خيرى مخرجة الرسوم المتحركة

نقدم هنا أغاني الفنان بديع خيري 

الحلوة دي 

الحلوة دى قامت تعجن فى البدرية

والديك بيــدن كوكو كوكو فى الفجـرية

يللا بنا على باب الله يا صـنايعية

يجعل صباحك صباح الخير ياسطى عطيـة

صبح الصباح فتــاح يا عليــم .. والجيـب ما فهشي ولا مليــم

بس المزاج رايق وسليم .. باب الامل بابك يا رحيم

ده الصبر طيب عال .. ويغير الاحوال

ياللى معاك المال .. برضه الفقيـر له رب كريم

الحلوة دى قامت تعجن فى البدرية

والديك بيــدن كوكو كوكو فى الفجـرية

يللا بنا على باب الله يا صـنايعية

يجعل صباحك صباح الخير ياسطى عطيـة

ايدي في إيدك يا ابو صلاح .. مدام مع الله تعيش مرتاح

خلى تكالك ع الفتاح .. يللا بينا يللا الوقـت اهو راح

الشمس طلعــت .. والمــــــلك لله

اجري لرزقك .. خليها على الله

ما تجيب قاسومك .. والعدة ويالله

سالمه يا سلامه

ســــالمة يا ســـلامة رحنا وجينا بالسلامة

صفر يا وابور واربط عندك نزلنــــى فى البــــــلد دى

بلا أمـــــيركا بلا أوربـــــــا مافى شئ أحسن من بلدى

دى المركب اللى بتجيــــــب احســن من اللى بتــــودى

يا اسطى بشندى

سـالمة يا سلامة

سـلطة ما سلطة كله مكسب حوشــــنا مــال وجيــــــنا

شفنا الحرب وشفتا الضرب وشــــفنا الديناميت بعنــينا

ربك واحـــد عمرك واحــد ادى احنا رحـــنا وجيــــنا

ايه خس عليــنا

سالمة يا سلامة

صلاة النيى ع الشخص منا فرصـــة ميه بلا قافيــــــة

اللى ف جـــيبه يفنجــــر به والبركة فى العين والعافية

ح تـــاخد ايه م الدنيــا غيـر الستر يا شيخ خليها ماشـية

دنيـــا فانيــــــة

سالمة يا سلامة

دى الغربـــــــة ياما بتــــــــــورى بتخــــــلى الصــــنايعى بيـــرطن

مطـــــرح ما يـــروح المصــــرى برضــه طـــول عمــره ذو تفنــن

وحيـــــــاة ربنـــــــــا المعبـــــــود وى آر فرى جود ياسطى محمود

قــدها وقــدود

سالمةياسلامة

خفيف الروح

خفيف الروح بيتعـاجب

بيتعاجب

برمش العيـن والحاجب

خفيف الروح

غمـز لى مرة بعيونـه

لقيت الحــب مضمـــونه

حرام ان كنت انا اخونه

وعشقى له من الواجــب

خفيف الروح

تملى يحب يشــــــغلنى

بســـهم اللحـظ والننى

أخاف اتقل يخاصـمنى

ويهجـــرنى ويحـــرمنى

خفيف الروح

رأيت الأوفق ان جانى

حبيب القــلب نـادانى

أرد عليــه بأجفـانى

ولا أحسب حساب عازل

خفيف الروح

ياشيخ قفاعه

اقرأ ياشيخ قفاعة تلغراف اخر ساعة

اللى فى جورنال البورص ..

وأنا أبقى أحلق ذقني إن ماكنتش ترقص

ترقص ترقص ترقص

الصبح صبح قلسطة والعيشة هتبقى قشطة

ياقساتذة قولم هش

ياقساتذة قولوا براوة دي الحرب خلاص فينيش

فينيشٌن فينيشٌن فينيشٌن

بعد أكل التسقية والسلطة والطعمية

اللى بتهد الحيل

نرقع لنا اقتين ثلاثة سمن بلحم الخيل نرقع

نرقع نرقع نرقع

ياما بكرة حنبقى نقلّس ع التجار لما تفلس

وزي مانتفلق

يتفلقوا هما كمان واحنا نضحك هقهق

هقهق هقهق هقهق . . 

ومادام الضاني غالي وكذلُك العجالي

مش لازم ندقق

حمارا أو حِصاناً او بغلاً مش راح نعتق قبداً

قبداً قبداً قبداً

يالا نقلوظوا العمة عل مودا ونستحمى

بصفيحة كالونيا

ونسافر على اوروپا نتفرج ع الدنيا

دنيا دنيا دنيا

نسوانها قلماظية ماتقولش مهلبية

قبداً قبداً إيش جاب

قربت أسيح قربت أسخسخ قربت أتكهرب الحق

الحق الحق الحق

سيبك م الفقهنة خالص من بكره هتبقى لابس بدل العمة كاسكيت

ياسلام على بطة نطة حطة بطة نطتهن

على خفة نتفة خفة نتفة خفة نتفتهم

سيبك م الفقهنة خالص من بكره هتبقى لابس بدل العمة كاسكيت

فوز آفيه قالت ب ت كسكيليا

ياعلي يابتاع الزيت

روميو وجوليت فى البيت

قرشت مرشت قرشت مرشت فرشت وقالت اقعد

عفشت مرشت فرشت هرشت ياحلاوتها فيري جود

فيري جود فيري جود فيري جود

فيري جود فيري جود فيري جود

عشان مانعلا ونعلا

عشان مانعلا ونعلا ونعلا لازم نطاطي نطاطي نطاطي

عشان مانعلا ونعلا ونعلا لازم نطاطي نطاطي نطاطي

بسلامته الوالي أبوزعيزع مهجص باشا دقن تعيتع

أفيونته تمللي قال إيه نترصص دايما حواليه

نروح واقفين زنهار زي القط والفار

نلقاه دايما منفوخ نفشر له طاخ طيخ طوخ

الرك على حبة بولوتيكه وذمة كاوتشوك خربانه

مادام الامير ملته أنتيكه لازم الرعية تكون وحلانة

الرك على حبة بولوتيكه وذمة كاوتشوك خربانه

مادام الامير ملته أنتيكه لازم الرعية تكون وحلانة

حزر فزر ياواد أنت بعقلك بعد الحنشصة دي اللى أنت عليها

ياهلترى الدنيا دي حاتروق لك وتشوف ماشاف قراقوش فيها

تعرفش المسأله إيه عرنوس متعفرت ليه؟

من حقه سلامات سلامات ايش حال القفوات

الجميع: محاسيبك

حسن: ياخي سيبك

اول شرط نطاطي البصله لسيدنا الوالي ونستعبط له

مهما تسمعوا تهجيص اعملوا روحكم بلاليص

مهما نسمع تهجيص نعمل روحنا بلاليص

بلاليص بلاليص بلاليص بلاليص بلاليص بلاليص

عشان مانعلا ونعلا ونعلا لازم نطاطي نطاطي نطاطي 

القلل القناوى

مليحة قوى القلل القناوى

رخيصة قوى القلل القناوى

قرب حدانا وخد قلتين

خسارة قرشك وحياة ولادك

ع اللى ماهواش من طين بلادك

ده ابن بلدك ما يبلفكشى

ما تعدموشى ولا يعدمكشى

دمك من دمه ما يفرقكوا شى

الدنيا مالها يا زعبلاوى

شقلبوا حالها وين المداوى

شوفوا البلاوى ده البنك ناوى

يرفع دعاوى علشان يتاوى

فى فلوسنا واحنا متقندلين

مش بزيادانا بقينا عرة

وكل حاجة من شغل بره

ده الفقر طول قلع عينينا

وخلا غيرنا قلس علينا

يادى الفضيحة يا ناس حرام

ولحد ميتى ما نفوقش واصل

والبيه مقعمص قاعد يواصل

يشرب فى بيرة ويا منيرة

واحنا فى حيرة جد وكبيرة

انتعنا بقى يا جد الحسين