حوار مع النجم الكبير صلاح جدو
حوار مع النجم صلاح جدو ابن كوم الضبع
أجرى الحوار / فتحي حمدالله
يرى بعض الخبراء التربويين أن الدور الذي تلعبه المدارس ومراكز الشباب دور عظيم في تقدم مسيرة الرياضة في مصر وأيضًا في رقي الذائقة الفنية وارتفاع مستوى الثقافة في مصر ؛ لكن هذا مرهون بدور حقيقي تلعبه هذه المؤسسات عن وعي وليس مجرد خطط تنفذ ومال "سايب " ينفق دون تقييم حقيقي لما يتم .
وقد خطت وزارة الشباب خطوة مهمة في نحو تحقيق تقدم الرياضة ، الخطوة هي "دوري مراكز الشباب " الذي تجرى نسخته الثالثة هذا العام .
كان لنا حوار مع النجم صلاح جدو ، نجم نادي سوهاج وابن مركز نقادة .
ما هو اسمك الحقيقي ؟ وما قصة الاسم الكروي ؟
اسمى الحقيقي صلاح الدين محمد حامد ، واسمى الكروي صلاح جدو لان كل اصحابي اللاعبين يرون انى شبه محمد ناجى جدو في طريقة اللعب وفي الشكل .
كيف بدأت تلعب كرة القدم وما هو مشوارك حتى الآن ؟
انا بدأت ف ببلدي الام كوم الضبع وبعدها انتقلت الى نادى قوص وبعدها الى ناشئين أسمنت اسيوط ثم ابتدأت مشواري القوى مع نادى المنيا مع المدرب رقم واحد ف حياتي استيقن الألماني وبعدها انتقلت الى نادى الأسيوطي سبورت مع نفس المدرب وبعدها نادى الالمنيوم وحاليا فى نادى سوهاج .
من اللاعب المفضل لديك ؟
اللاعب المفضل عندي اكيد محمد أبوتريكه .
ولماذا تم اقصاؤك عن اللعب في دورى الأضواء ؟
وموضوع اني كنت هلعب السنه اللي فاتت في الدوري الممتاز وبعدين جه مدير فنى مش عارف ايه السبب وليه اختار 5 لاعبين وقال مش محتاجهم وكنت انا منهم طلعوني إعارة سنه لنادى الالمنيوم وبعدها الفريق هبط عمومًا انا طموحي انى العب دورى ممتاز إن شاء الله .
ما هو موقف النادي الحالي ؟
لسه دي اول سنه ليا معاهم واكيد عوزين نصعد للدوري الممتاز ف نادى سوهاج
فريق قوى ومميز وكل سنه بينافس للصعود للممتاز .
ما انجازاتك مع الفريق الحالي ؟
بصراحة لسه معملتش أي انجاز ليهم لان دي اول سنه ليا معاهم والموسم لم ينتهى بعد بس الحمد لله صعدنا فى كاس مصر للدور 32و هنلاعب فريق ف الدوري الممتاز .
ما رأيك في دوري مراكز الشباب هل تراه خطوة لتطوير الكرة في مصر؟
أكيد دورى قوى وبيساعد الشباب أن يبعد عن طريق الادمان ويتجه للرياضة وبينتج لاعبين كويسين و الدوري الشبابي فرصة كبيرة ممكن من خلالها يتشافوا كويس وممكن تيجي فرصة ليهم للعب في نادي كويس .
ما هو أفضل هدف أحرزته وأغلى هدف ؟
أفضل هدف وأغلى أحرزته الهدف اللي أحرزته لما كنت ف ناشئين قوص وكنا بنلاعب نادى سوهاج و كنا لازم نكسب فالحمد لله احرزت الهدف وكسبنا واحد صفر وساعتها صعدنا للدوري الممتاز للناشئين .
ما هو حلمك للعام الجديد ؟
إني العب فى الدوري الممتاز .
هل ترى أنك حصلت على حقك في عالم الكرة ؟ وهل قام الإعلام والصحافة بدوره تجاه لاعبي دوري المظاليم ؟
لا اكيد مفيش دور للإعلام خالص ف الصعيد وموضوع حقي ده ف الكورة لازم اجيبه بتعبي وجهدي لازم اتعب وأجبر كل الناس هي اللي تتكلم عنى وانا بحاول والله اعمل كدا واتعب واتمرن جامد والتوفيق من ربنا سبحانه وتعالى .
في الختام كلمة تقولها لشباب يبدأ مشواره ونصيحة غاليه لهم ..
بحب أنصح كل الشباب اللي عنده موهبه بيده يحققها بالعزيمة والجهد والتعب وإن مفيش حاجة مستحيلة ف أي موهبه مش شرط كرة القدم .
التسميات: الرياضة
0 تعليقات:
إرسال تعليق
شاركنا برأيك
الاشتراك في تعليقات الرسالة [Atom]
<< الصفحة الرئيسية