يعيش الرجال

يعيش الرجال

     

                      شعر : أشرف مقلد   

يعيش ابن عمي اللي عدى القناة 

يعيش كل مسلم 

يعيش المسيحي 

اللي فَكَّر و دَوَّر

لتحطيم حيطانهم

فطوَّر ودَبَّر

وقال وقعوه بمدفع مياه 

يعيش الفدائي 

اللي حطم حصونهم 

بمدفع بدائي صناعة يداه 

يعيش العساكر 

اللي بإيديهم 

قطعوا التذاكر 

وخلو المقابر تنضح حياه 

يعيش اللي ماتوا 

وضحوا بحياتهم 

يعيش اللي هتفوا 

وبْعِلْو صوتهم 

الله أكبر ..... في وش الجناه 

تعيش اللي رَبِّت جيل البطولة 

يعيش اللي عَلِّم ولاده الرجولة

يعيش اللي خَطَّط 

و قَوَّى ما هَبَّط 

عزيمة جنوده

وقال عَدُّوا هاتوا لمصر الحياة