من واو ابن عنبوص/ كل شئ عَ الفِلاشة

                           من واو ابن عنبوص/ كل شئ عَ الفِلاشة 
                                                          عبدالناصر أحمد
حمِّيت جنازتُه يا عباس؟
بيريز دا جِيفة ما يسوي
أرملته دي برضه تنباس ؟
مقصودة ولّا دي نَسوة ؟
..
لِيفني حافظة النيجاتييف
دا ما كل شئ عَ الفلاشة*
تِتلَم ...بكره ... التَفاتيف
وتبان .. يا عرب الفلاشا
..
أشكر ظروفها اللي جَطّين
واقدِّم ... لعربنا .... شكري
قاتل خواتي فْ فلسطين !
وفْ شيمو.. بيعزّي شكري !
..
بالصبر تفرج تلا الضيق
ياللي انت شَبَهَك شبهنا
ونغرُّوا يومها الخوازيق
ونحطّوا فوقها الـ شَبَهنا*
..
لم عاد عروبة ونخوات
مِ الحِس صبحوا جرايد*
عرب .. أشقّا .. ونخوات*
ولا ده .. كلام الجرايد ؟
..
م الدم ايدك .. ما غسلين*
اطفال في .. غزة .. بريئة
فِ النار حتاكل فِ غسلين*
ما القتل .. اكبر .. خطيئة
..
تعليمنا عالي ودَبالين
ولا عازة ليها الشَّهايِد*
يا مصر وردِك دبالين*
وعَ اللقمة غرقوا شهايد
..
شال فوق كتافة قِرازين*
في الغربة .. مَرمِي رَمِيّة
صاحب شهادة وقَرازين*
في الشركة ..عامل يومية
..
خطيبها عادِش رجا ليه*
والشعب .. سانط .. مبوّم
بيعبِّي .. من تحت رجليه
فوق راسه .. وعَمّال يكوّم
..
لم جاتني العيشة ع الكيف
ولا شفت .. فيها .. سروري
واللي ما ماتِش فيها بسيف
حيموت ... بغيره ..ضروري
..
هَمَّلت فقرَك .. أنا هناك
قِدّامي .. نبَّع .. جَهينة*
صحافتنا بزيفها دهناك*
وخبرها ... كاذب جهينة
***