انطلاق دوري تحطيم زجاج الفصول في نقادة

 

صورة توضيحية 

قالت لي صديقتي العصفورة  جزاها الله خيرًا  :

ما شفتش مركز الشباب المطور ، والعريق اللي ف مركز نقادة ، المركز اللي كان له شنة ورنة وكان صيته زي الطبل الداوي ف كل مصر ، قال إيه عامل دوري في لعبة جديدة وناوي يدخل موسوعة جينيس .

يخرب عشك يا عصفورة ، لعبة جديدة  وكمان موسوعة جينيس حتة واحدة .. ودي لعبة إيه يا عصفورتي ؟

دي لعبة تكسير زجاج فصول المدارس يا عصفر يا حبيبي ، مركزالشباب قال إيه عامل نشاط من تحت الترابيزة وبأجر ملعب الكورة لعمل أفراح وليالي ملاح  ، والمعازيم بدل مايهيصوا و يرقصوا على أنغام " آه لو لعبت يازهر " قال إيه بيتسابقوا على تكسير زجاج المدرسة الابتدائية المشتركة اللي جنب مركزالشباب علطول وفي نهاية الحفلة يتم تكريم الفائز بتكسير أكتر من قزاز بطوبة واحدة  بدرع الدوري .. يعني المركز يتلايم ع الفكة  والغلابة بتوع المدرسة يلموا الطوب والزجاج في الصبح  ..

منك لله يا عصفورة قفلتي نفسي ع الصبح ، طب والمعازيم والفرح .. فرحانين بكده

آه والله ومبسوطين والكل فرحان وكلوا بيرقص على أنغام صوت الزجاج المتكسر ..

ومبروك لأبطال الدوري .. وسلملي على موسوعة جينيس ..