بَاكْرَهِكْ للشاعر أشرف مقلد

الشاعر .أشرف مقلد 

بَاكْرَهِكْ 

                                                                         أشرف مقلد 

ياللي عذابي عَندِك هوايه
يا فرحي وأسَايَه ولُغْزِي وحَلِّي
ياللي هواكي غايه وغوايه
يا عاشقه البدايه ودايما تِمِلِّي

بأكْرَه خضوعي وضعفي ودموعي
وَاكْرَه رجوعي لحبك تَمَلِّي

وباكْرَه إني أطلب ودادك
واغازل فؤادك واطلب تِحِنِّي
تزيدي ف بَعادِك وحالة عنادِك
واحس ب سُكُاتِك قاصد يهيني

فأكره خضوعي وضعفي ودموعي
وَاكْرَه رجوعي لحبك تَمَلِّي

قلبي بيضحك وقلبك يكشَّر
فأَكْرَه محبة قلبك لِذُلِّي
واندم لمَّا في حُبِّك أكَتَّر
وانت في حبي دايما تِقِلِّي

فأكْرَه خضوعي وضعفي ودموعي
وَاكْرَه رجوعي لحبك تَمَلِّي

وباكْرَه سكوتي ساعة كلامِك
لما تقولي: ده قالي وقالي
ولما ألومك ألاقي غيومك
وثورة هجومك تشيل لم تِخَلِّي

فاكْرَه خضوعي وضعفي ودموعي
وَاكْرَه رجوعي لحبك تَمَلِّي

ورغم إني دايما ضعيف جنب منك
ورغم التفاني في حُبِّك وإنك
بتعاندي حبي وتسيئي ظنك
بوفي لـ حَرِّك وتخوني ضِلِّي

فاكْرَه خضوعي وضعفي ودموعي
وَاكْرَه رجوعي لحبك تَمَلِّي