من واو ابن عنبوص (راسين في نفس الطقيّة)

من واو ابن عنبوص (راسين في نفس الطقيّة) 

عبدالناصر أحمد

صبرَك دا للرزق جَلّاب *

جا لْْـحـد عنـدك ندهلك *

يوم جاك موبايل وجلّاب 

ولا حتي سامــع .. نِدَهلك 

..

طبيبنا خايب تَمَرجيه*

والبُعد .. عنهم جراحة*

سنين طويلة تِمُرجيه ؟

ولا كشف طيَّب جراحة 

..

إلْ يوعد الوعد يُوفِي بيه 

ويسِيب .. كلابها .. عويله

ياما ناس كتيرة ڤِي آي پِيه*

لَكيــن ... وَطايــــا ... وعويلة* 

..

الصبــر طيِّـب .. يــــــاخِـلّي 

والباغي راح تاخده زُوفَة

ونغنّوا ... يا داهــية حِلّي

وف ْ ناسُه حنشوفوا شُوفَه

..

دَخَل السجونة شباب زين 

مِ القهر طِلعوا فْ كَرَبهم*

بالألف .. عَبُّوا الزنازين 

يارب .... فَرِّج .. كُرَبهم*

..

الظلم واخد له باع راق

وعُمَرنا ..كان عدل فيها 

لــو بغلة عِترت فِ لِعـراق

بيـــخــــاف .. ليُسًأل عليهــا

..

حامي وحرامي قـَريبين*

وبَهــانــــة خَيــــّــة .. بـهـيّــة 

مَجورين زبــادي و رايبين*

راسين في نفـس الطقيّــة

**