التعليمية بنقادة تزود كثافة الفصول بالعافية

قالت لي صديقتي العصفورة  جزاها الله خيرًا  :

أن  التعليم في قنا بعافية شويتين ، فقلت لها افصحي يا عصفورتي ، قالت اللئيمة.. تصور مصر في المركز قبل الاخير في جودة التعليم في مصر ، قلت لها وبعدين يعني هتقولي ألغاز ولا إيه ؟

فدخلت العصفورة علطول في الموضوع وياريتها ما دخلت ، لأنها جابت لي الهم والنكد ، لما قالت لي إن فيه تعليمات من فوق بزيادة كثافة الفصول في المرحلة الإعدادية حتى تصل إلى 55 طالًبًا  ، ومعلوم لأي واحد إن الهدف من ده زيادة العبء على المعلم وتقليل نسبة التحصيل للطلاب  والعمل على سرعة إنهيار العملية التعليمية  .

بجد فيه كده ناس عاوزة تبوظ التعليم بالشكل ده ؟؟ زغدتني بقوة وقالت لي انت عايش ف وهم كبير .. فاكر يا عصفوري الناس المزارعين كانوا يقولوا إيه ؟ كل ما تخف قنديلها يغلض أما المسئولين عن التعليم في نقادة وقنا فعاوزينها زرعة غزيرة ومالهاش طرح ولا فايدة .

قلت لها بحسن نية وطيبة قلب : ما هو ممكن يا لئيمة يكون الموضوع ده عشان يعملوا تحسين للعملية التعليمية ولا يكون فيه نقص في المعلمين ؟  

العصفورة رفرفت لي بعنف ونفشت لي ريشها وقالت لي : ده عند أم ترتر يا عصفر .. ده كل معلم تم تخفيض عدد حصصه بدل ما هو واخد 20 حصة بقى واخد 12  وقعد ف مكانه ..

قلت لها طب وكل الإدارات عملت كده  قالت لي لا وحياتك التعليم ف نقادة  بس اللي مطبق التعليمات دي  وباقي الإدارات فكروا كويس وشايفين مصلحة الطلبة كويس .