آه يا خوفي من جيت العسال

بقلم . راضي ابوالمجد 

 زمنهم أكيد كان جميل بالنسبه لهم .
أهلي وأحبابي عليهم رحمة الله جميعًا.

..كان فيه واحد بيبيع عسل ...جرار صغيرة ...ودي بالقسط مثلا كل عشرة أيام تعريفة علي حسب ما كان .
..المهم الراجل بتاع العسل كان موزع في المنطقه لكل بيت واخد جرة عسل ..

..طبعا الراجل ده ذكي .ياجي يلم القسط مع المغرب علشان يكون الكل موجود .

.الجماعه حفظوا الميعاد بتاعه ..طبعا مكانش فيه كهربا كانت لمض الجاز .

..المهم واحد وعيله جاي من بعيد .

.وراح طفي اللنضة وزعق علي الباقي ..عسال ..

.طبعا الكل طفي وعملوا أموات .

.العسال مفيش حد رادد عليه ..اومال ماتوا مع بعض.

..المهم فيه واحد فيهم معاه راديو مشغلو ومصهلل مسمعش قولة عسال .

..ومشغل .عبدالحليم حافظ ..وشغال عبدالحليم .

.آه يا خوفي من آخر المشوار .

.إلا نده عليه العسال ..الراجل مين ..قاله العسال .

..الأغنية شغالة .آه يا خوفي من آخر المشوار .

.قام صاحبنا مغني مع الاغنية  .

وآه يا خوفي وآه ياخوفي  ..  من جيت العسال