رسالة إلى المعلم أزعرينا

                  

 





 رسالة إلى المعلم أزعرينا    

      شعر . أشرف مقلد 

يا معلم أزعرينا 
يا مغرق السفينه 
وكاتم السرينه 
ورافض نستغيث 
بلدنا ليك مدينه 
بحرقك المدينة
ونهبك الخزينة
وفعلك الخسيس
واخدنا ليك رهينه
تبيعنا وتكري فينا
وترمي بلاك علينا
بفكرك الخبيث
عملت كل عيبه
يا وارد الزريبة
وكل يوم مصيبة
بتجيبها معاك يا سيس
بسحنتك الغريبة
وطلتك الكئيبه
قلبت الدار كتيبه
وكإنك الوريث
بتلعب بالباروود
 يا عرة الجنود
وتطاطي لليهود
وعلينا عملت ليث
يا دمل الدمامل
يا مكتر الأرامل
حتى بطون الحوامل
من شَرَّك تستغيث
قديم ف كل حاجه
في الكهن وفي السماجه
حتى ف شغل الصناجه
قديم ما انتش حديث
شاويش مسرح وسيما
مدمن خطب لئيمه
وكلام ملهش قيمه
من دمك .... يا مغيث